http://www.tadwen.com

يناير 16، 2007

** ديبو: قارئ المدونات **


السلام عليكم

أخواني وأخواتي المدونون ..

من فترة و انا بحاول احل مشكلة بتقابلني بشكل شبه يومي عندما أحاول قراءة المدونات .. غالبا ما بادخل عند منال وعلاء للتطلع لجديد المدونين .. المشكلة اني غالبا ما باتكعبل فيما لا يستحق القراءة أو ان نوعية التفكير غير محترمة أصلا .. و اتهيألي دي مشكلة ناس كتير ..

الحل السهل ان الواحد يستعمل برنامج أجريجيتور شغال على لستة من المدونات المحترمة .. و عن طريقه يستطيع قراءة ما هو جديد ومحترم بغير تضييع الوقت ..

ماطولش عليكم .. البرنامج سميته " ديبو – قارئ المدونات" .. و يتم تحميل ملف opml به بعض المدونات المحترمة والهادفة .. غير مقتصر على اتجاه معين .. لكن مقتصر على ما هو محترم! لو شايف ان فيه مدونات تستحق الاضافة .. قوللي .. ولو شايف العكس برده قوللي ..

ياريت تنزل البرنامج .. لو عجبك .. يبقى ياريت تحط اعلان ليه في مدونتك (صورة صغيرة على الجنب حجم: 150 في 195) زي اللي عندي في الجنب

لينك التنزيل: - 4،4 ميجا-
Deebo-installer.exe

كود الاعلان:

<div align="center">
<a href="http://eldeebs.blogspot.com/2006/12/blog-post_01.html">
<img border="0" src="http://files.myopera.com/eldeebs/files/Deebo_Reader_sidebarFlyer.gif" />
</a>
</div>


بعض مميزات البرنامج:
• واجهة سهلة الاستخدام (انجليزي - عربي)
• سهولة إضافة وإزالة المدونات من قائمة البرنامج
• عند وصول تدوينة جديدة تظهر بوب أب للتنبيه(مثل الماسنجر)
• استيراد وتصدير opml
• ارسال تدوينة كإيميل مباشرة من البرنامج

وإليكم بعض الصور من البرنامج:



خلاص : التدوينة خلصت .. ياريت تجربوا البرنامج بجد .. و انا مستنى اقتراحاتكم .. فدي رؤية أولية ممكن مناقشتها وتغييرها ..

السلام عليكم

هناك 12 تعليقًا:

Sampateek يقول...

السلام عليكم
البرنامج نزل بس مشتغلش للاسف رغم ان فكرته ممتازة
يا ترى العيب فين؟

اشكرك على المحاولة

TAMTAM يقول...

مرسي اوي يا ديب على البرنامج
فعلا فكرة ممتازة وبرنامج سهل

احمد الحسيني يقول...

البرنامج تحفة
بس يا خسارة
انا نظام التششغيل عندي ماك
مش هينفع انزله الا اذا
عملت نسخة للماك
الف شكر

محمود الدوح يقول...

ازيك يا ديب
وديبو بتاعك مريحنى اخر راحة
يا سلام لو تعملة تحديث على النت
وتضيف مدونات لية مع التحديث
زى التحديث بتاع برامج الفيروسات

الديب يقول...

أمال احنا عملنا موقع افحت ليه؟

ممكن تاخد الفيد من الموقع .. وتقراه برده في ديبو ريدر مع مدوناتك المفضلة

Mohamed Meshref يقول...

Can't i find your list of blogs instead of adding them again?

محمود الدوح يقول...

بص ياديب
دلوقت انا عندى مشكلة واجهتنى بعد ما سطبت نسخة ويندوز جديدة

وان البرنامج بعد ما اتسطب ملقتش فية اى موقع ولا اى مدونة ولا اى حاجة

يعنى البرناج فاضى

ومش عارف اعمل اية
قولى وحياة ابوك

A long distance يقول...

في مشكله في لينك التحميل
ومش راضي يحمل عندي
ياريت تحمل البرنامج من اول وجديد

الديب يقول...

السلام عليكم سا محمود

المشكلة دي لازم تظهر لو انت سطبت البرنامج وانت اوف لاين .. لازم تكون واصل بالنت اول مرة علشان يحمل المدونات الافتراضية

----

من مسافة بعيدة

اللينكات عايشة لسة !

norahaty يقول...

السلام عليكم ورحمة الله
الاخ المحترم
انا نزلت البرنامج تلات مرات وما رضى يسطب او اى شىء ولاتقل لى ان انا اوفلاين لا انا اونلاين
ارجو الاجابه فقد تساءلت لى صديقه
لماذا لا اضع مدونتى على قارىء المدونات؟
*والحكايه كبرت فى دماغى خلاص والدم يفور وتبقى مشكله.

عاقلة علي ارض الجنون يقول...

البرنامج أكتر من رائع بس من المؤكد المعلومات تطير لو الجهاز اتفرمت .. بس هو محاكي لجوجل ريدر

أنصحك تجربه برضه ..

انا علي فكره بشتغل بالبرنامج دلوقتي :)


شكرا اوي

ياسميـن

نوته و قلم

باشمبرمجه

www.bashmobarmega.blogspot.com

مدينـة من النسـاء يقول...

السلام عليكم ورحمة الله

البرنامج جميل جداااا فعلا
بس مش عارفه ليه بعد ماستبته بيقولى

this file contain invaild data

ومش بيشتغل
ياريت فعلا تساعدنى اشغله

تحياتـي ليك